Ремек дело на Александер-Арнолд од слободен удар, Ливерпул убедлив на „Кинг Пауер“ (ВИДЕО)

Фудбалерите на Ливерпул изграат во одлична форма во финишот на оваа сезона, а тоа на своја кожа го почувствува и тимот на Лестер кој вечерва беше разбиен на свој терен со 3-0.

Ова за „црвените“ беше седмо славје во низа со што продолжуваат да ги притискаат Њукасл и Манчестер Јунајтед за местата кои водат во Лигата на шампионите во наредната кампања.

Уште во првиот дел гостите се стекнаа со предност од 2-0 и тоа по две акции во кои главни актери беа исти играчи, Салах ја имаше улогата на асистент, додека Џонс пак ја тресеше мрежата на „лисиците“.

Сепак најубавиот момент дојде во 71 минута кога Александер-Арнолд по комбинациата со Салах погоди од слободен удар.

Ливерпул сега има 65 бода и е петти на табелата, Лестер со 30 е на 19 позиција која води во втората лига.