ЕКО Рели Акрополис 2024: Танак во водство, Хјундаи профитираше од невообичаениот проблем на екипажите на Тојота

Себастијан Ожие го отвори новото издание на Рели Акрополис со доминантно издание и имаше водство по првите три етапи, но сериозен технички проблем ги стави сите екипажи на Тојота во втор план, во првиот натпреварувачки ден во Грција.

От Танак од Хјундаи го презема водството до крајот на петочните возбудувања, откако Естонецот избегна проблеми со автомобилот на секогаш екстремните услови на Рели Акрополис.

За Хјундаи е посебно важно што по првиот ден ги зазема првите три позици, при што Дани Сордо и Тјери Нувил следуваат зад Танак.

Ожие и неговите колеги од таборот на Тојота во вториот дел од денот имале проблеми со турбо полначот на моторот, па останаа без посакуваните перформанси и конкурентноста на етапите.

Дополнително, Јапонецот Такамото Кацута мораше да се откаже на средина на денот поради проблеми со задниот дел од подвозјето.

Хјундаи имаше 20 поени предност во поредокот на конструкторите пред ова рели и петочната најава е дека таа ќе биде зголемена, но шесте нови брзински предизвици во сабота гарантираат нови возбудувања на Рели Акрополис.

Специјално за „Дерби“ од ЕКО Рели Акрополис 2024
  – Блашко Вељановски