Реина предизвика контроверзи со поддршката за протест организиран поради коронавирусот

Поранешниот шпански репрезентативец Пепе Реина повторно предизвика контроверзи со своите политички ставови, уште еднаш поддржувајќи ги активностите на ултра-десничарската партија Вокс.

Овој пат Реина изразил јавна поддршка за протестот кој дел од неговите сонародници и истомисленици го организирале за да го искажат незадоволството од начинот на кој шпанската влада и премиерот Педро Санчез се носат со кризата со коронавирусот.

Иако самиот голман беше позитивен на коронавирусот уште во март, сега смета дека шпанската влада се загубила во носењето мерки за спречување на ширењето на заразата.

– Ах, малку луѓе излегле денес на улица,нели? – порачал Реина во својот твит.

Ah! Pues parece que ha salido gentecilla a la calle, no??🤝👏🏻🇪🇸#democracia #unidossomosmásfuertes pic.twitter.com/nG2uIU228t

— Pepe Reina (@PReina25) May 23, 2020

Реина и претходно ја брануваше шпанската јавност откако јавно го критикуваше референдумот за независност на Каталонија, а истовремено изразуваше поддршка за десничарската партија на Сантијаго Абаскал.

Искусниот шпански голман сезонава настапува како позајмен играч во редовите на Астон Вила.