Реднап со комплименти за офанзивецот на Арсенал: Играше како Анри…

Арсенал немаше никакви проблеми во мечот со Шефилд Јунајтед во Премиер лигата и на истиот „испука петарда“ во мрежата на гостите (5-0).

„Топчиите“ покажаа дека се на сосема различни ниво во однос на повратникот во англиската елита и тоа во дуел во кој во главна улога беше напаѓачот Еди Нкетија кој забележа хет-трик и со тоа ги воодушеви навивачите, но и дел од стручните аналитичари како што е Хари Реднап.

Реднап смета дека Еди имал партија со која потсетил на Тјери Анри.

-Мојата ѕвезда оваа недела е Еди Нкетија. Имаше голем притисок врз него оваа сезона, но тој беше одличен викендов. Знам дека луѓето ќе кажат дека тоа беше Шефилд Јунајтед на домашен терен, но тој ги прифати своите голови како природен напаѓач. Третиот конкретно, леле каков гол.

-Со тој број 14 на грб, беше како да го гледав Тиери Анри. Скоро како него, -порача Реднап.