Ред Бул го суспендираше резервниот возач поради расистички испад

Формула 1 тимот Ред Бул експресно го суспендираше својот тест и резервен возач Јури Випс, поради неговиот расистички и хомофобичен испад за време на онлајн играње.

Естонецот ги налути одговорните во Ред Бул кои не губеа време пред да потврдат дека ќе биде суспендиран додека истрагата е во тек.

Випс коментирал недолично на расна основа додека во онлајн стримувана игра со својот колега Лиам Лаусон, а претходно не ги штедел и своите хомофобични испади.

21-годишниот Естонец вози за Ред Бул во Формула 2, а сезонава возеше и тренинг во пресрет на ГН на Шпанија.

Випс се извини преку Инстаграм, но се чини дека оваа грешка може скапо да го чини кога Ф1 тимовите водат активна кампања токму за искоренување на ваквото однесување.