Ребиќ се врати во Серија А

Хрватскиот интернационалец Анте Ребиќ се враќа на позната територија и сезонава повторно ќе биде дел од Серија А, потврдија италијанските медиуми.

Доцна синоќа, напаѓачот ставил потпис на договор со екипата на Лече и ќе го носи жолто-црвениот дрес наредниов период, обидувајќи се да им помогне на своите нови соиграчи со искуството кое не е за потценување.

Ребиќ првпат пристигна во Италија уште во 2013 година, кога потпиша за Фиорентина, но по неколку заеми, направи трансфер во Ајнтрахт Франкфурт.

Неговите настапи во Бундеслигата го привлекоа вниманието на Милан, па „росонерите“ го вратија Хрватот на „чизмата“ во 2019 година, првично на заем, а потоа и со откупување на договорот од германскиот тим.

Сепак, Милан минатото лето го продаде Ребиќ во Бешикташ со примарна цел да се ослободи од неговата плата, а тој по една сезона се враќа во Италија, овојпат како засилување за Лече.

30-годишниот Ребиќ има 118 настапи во Серија А, на кои стигна до 29 голови и 14 асистенции.

🟡🔴 𝘼𝙣𝙩𝙚 𝙍𝙚𝙗𝙞𝙘 𝙚̀ 𝙪𝙣 𝙘𝙖𝙡𝙘𝙞𝙖𝙩𝙤𝙧𝙚 𝙙𝙚𝙡 𝙇𝙚𝙘𝙘𝙚!!!

Benvenuto in giallorosso. La nostra maglia profuma di Salento!!! #ASud pic.twitter.com/z0sOSrlQVr

— U.S. Lecce (@OfficialUSLecce) August 26, 2024