Реал Мадрид закажа „Ел Класико“ финале во шпанскиот Суперкуп

Реал Мадрид ја оправда фаворитската улога против Мајорка и славеше (3:0) во второто полуфинале од шпанскиот Суперкуп, кој се игра во Саудиска Арабија.

Реал Мадрид се обидуваше со постојан притисок да го отвори резултатот уште во првото полувреме, но тие обиди завршија неуспешно.

Во продолжението, Реал ја задржа иницијативата и конечно го скрши отпорот на Мајорка по една мешаница со три удари кон голот на противникот, при што со третиот Џуд Белингам успеа да го најде патот до мрежата.

Тој клучен момент се случи во 63. минута, а во продолжение Реал не се откажа и од втор гол, но ѕвездите на Карло Анчелоти не искористија некоја од своите шанси за помирна завршница.

Сепак, противникот му помогна на фаворитот во 93. минута, кога едно додавање на Брахим Диаз беше закачено од Валјент, а две минути подоцна Родриго ги постави конечните 3:0 во дуелот со Мајорка.

Реал со оваа победа обезбеди финале во Суперкупот и закажа нова „Ел Класико“ пресметка со Барселона во недела.