Реал славеше во „Ел Класико“ и ќе се бори за пехарот во Евролигата

Составот на Реал Мадрид ќе биде противникот на Анадолу Ефес во големото финале на Евролигата.

Кралскиот клуб во второто полуфинале славеше над вечниот ривал Барселона со 86-83. Каталонците влегоа во овој дуел како фаворити со оглед на меѓусебниот учинок и партиите во оваа сезона и се одеше во нивна полза во првиот дел кој го реализираа со 45-34.

Меѓутоа по паузата се изгуби четата на Јасикевичиус, односно Реал потполно ги затвори, надигра во третиот период кој го доби со 26-11 со што направи пресврт и го презема водство.

Барселона потоа бркаше и во еден момент дојде до 75-75, ама не успеа одново да го скрши противникот кој секогаш беше еден чекор пред нив и на крајот обезбеди место во завршниот натпревар за оваа сезона против Анадолу Ефес.

Козер и Јабуселе со по 18 поени беа најефикасни кај победникот, залудни за Барса пак беа Миротиќ со 26 поени.