Реал се огласи за повредата на Камавинга, разочараниот Французин испрати порака (Фото)

Изминативе 12 часа постоеше голем страв во таборот на Реал Мадрид, бидејќи на големо се повторија спомените од минатата сезона, кога Тибо Куртоа и Едер Милитао ги скинаа лигаментите на самиот старт на сезоната.

Едуардо Камавинга со страшен врисок и огромни болки во коленото го прекина тренингот на Реал, па нормално е тоа што многумина стравуваа и за најцрно сценарио.

За среќа, Реал Мадрид попладнево излезе со соопштение дека не станува збор за најлошата вест, иако играчот за врска ќе мора да направи пауза од два месеци.

Поточно, Камавинга има посериозно оштетување на страничниот лигамент на коленото и ќе паузира до шест до седум недели, но најполна вест е тоа што избегнува операција.

– Длабоко сум разочаран што ја претрпев оваа повреда и што ќе го пропуштам стартот на сезоната. Ќе работам напорно за да се вратам што поскоро. Ви благодарам за сите пораки за поддршка во изминатите неклку часа, исто така, сакам да му посакам на тимот се најдобро за мечот коој се игра оваа вечер. Благодарен сум на Бог, – порача Камавинга кој избегна сериозна повреда.

View this post on Instagram

A post shared by Eduardo Celmi Camavinga (@camavinga)