Реал рутински до шеста победа, но врвот понатаму го држи клуб од Каталонија (ВИДЕО)

Тимот на Реал Мадрид го заборави неуспехот во дербито со Атлетико Мадрид и оствари рутински триумф над Лас Палмас во вечершното соочување на „Сантијаго Бернабеу“.

„Кралевите“ победија со 2-0 и тоа со по еден гол во двете полувремиња. Вофинишот на првиот дел Дијаз конечно ја круниса иницијативата на фаворитот. Меѓутоа ова полувреме донесе и една лоша вест за Реал затоа што се повреди Давид Алаба и мораше да ја напушти играта.

По паузата или поточно во 53 минута Хоселу даде гол за 2-0 што беше доволно за потврда на трите бода.

Сега Реал има 18 бода, поточно ја мина Барселона на табелата, ама не е на првата позиција. Таму е најголемото изненадување Џирона која денеска беше подобра од Вилјареал со 2-1 и со 19 поени е на врвот во Ла Лига.