Реал постигна три гола и направи пресврт, но остана без „цел плен“ во малото градско дерби (Видео)

Реал Мадрид испушти нова шанса да ја престигне Барселона на првенствената табелата, но истовремено и не победи на натпревар на кој успеа да направи голем пресврт и да постигне три гола во низа.

„Валјекас“ стадионот во мадридското предградие стана доста незгоден за „кралевите“ во последните неколку години, а тоа се покажа и оваа вечер во која видовме вистинска фудбалска рапсодија.

Рајо Валјекано влезе со голема енергија во малото градско дерби и со двата гола на Лопез и Мумин поведе со 2:0, но кога се чинеше дека големиот фаворит е грогиран, следеше фантастичен гол на Феде Валверде.

Уругваецот со силен шут погоди за 2:1 и го врати фаворитот во игра, а до крајот на полувремето на семафорот беше 2:2 бидејќи во листата на стрелците се запиша и Џуд Белингам.

Англичанецот ја потврди извонредната форма и постигна гол на шести меч во низа во Ла Лига, а тоа му помогна на Реал да тргне фуриозно и во второто полувреме.

Теренската иницијатива резултираше со гол на Родриго за 2:3, па иако се доби впечаток дека Реал ги презема работите под контрола, Рајо покажа дека не се предава.

По еден шут на Лежен, Иси беше снаодлив и го измами Куртоа за 3:3 по 62- минути игра, а иако преостануваше уште повеќе од половина час за игра, резултатот не се менуваше и двата мадридски тима ги поделија бодовите.

Головите погледнете ги ТУКА