Реал откри од каков тип е повредата на Мбапе (Фото)

Реал Мадрид ја победи Аталанта со 2:3 и остана жив во обидот да стигне до топ осум пласман во Лигата на шампиони, но истовремено, радоста не беше целосна поради повредата на Килијан Мбапе.

Французинот се повреди во првото полувреме откако претходно постигна гол за 0:1, па иако Карло Анчелоти смируваше на прес-конференцијата и најавуваше дека нема ништо сериозно, напаѓачот сепак ќе мора да паузира околу десет дена.

Реал Мадрид денеска откри од каков тип е повредата на Мбапе и соопшти дека станува збор за полесно истегнување на мускулот, но сепак е потребна пауза.

Килијан со сигурност нема да игра на првенствениот натпревар против Рајо Валјекано кој се игра претстојниот викенд, а виси за настап и за финалето на Интернационалниот Куп во Доха.

Првичниот план е Килијан да отпатува со тимот во Катар, па таму да се одлучи дали е подготвен да му помогне на својот тим.

Parte médico de Mbappé.#RealMadrid

— Real Madrid C.F. (@realmadrid) December 12, 2024