Реал остана без Камавинга до крајот на оваа календарска година

Реал Мадрид е една од екипите која доживеа доста удари во оваа сезона кога се во прашање повредите, па така некои играчи ќе можат да се вратат дури во 2024 година, листа на која по се изгледа ќе биде додадено и името на Едуардо Камавинга.

Камавинга се повреди на тренингот на француската репрезентација и мораше да добие медицинска помош со тоа што позитивно беше што успеа да стане на нозе и сам да го напушти теренот.

Клучен играч на Реал се повреди на тренингот на Франција (Видео)

Сепак има проблем и тоа со лигаментите на коленото и информациите велат дека ќе паузира осум недели што значи би се врати во јануари 2024 година. Со оглед на тоа што и Чуамени е повреден ова значи дека ветераните Крос и Модриќ одново ќе мора да го понесат најголемиот товар во наредниов период.