Реал Мадрид во завршни преговори за засилување од Хетафе

Реал Мадрид наредниве денови ќе посака добредојде на нов член, а всушност тоа ќе биде повратник на поранешен член на сопствената младинска академија.

Се работи за голманот Давид Сорија, за кого денеска Реал го има клучниот состанок со претставници на Хетафе и според „Марка“, не постојат пречки за реализација на овој трансфер.

Клубовите имаат одлична соработка, а самиот Сорија дал зелено светло за трансферот, по кој ќе биде прва замена за одличниот Тибо Куртоа.

Сорија ќе биде доведен како замена за Андриј Лунин, кој решил дека е време да прифати нов предизвик, со што би имал и поголема минутажа.

Во истите преговори се вклучени и одредени членови на младинската академија на Реал, кои би заминале во спротивен правец.

🚨💣 JUST IN: Real Madrid are about to sign David Soria from Getafe. @jfelixdiaz #rmalive pic.twitter.com/BPm7rnVMC2

— Madrid Zone (@theMadridZone) June 9, 2023