Реал Мадрид со оригинална порака му се поклони на Роналдо (Фото)

Кристијано Роналдо не ги криеше емоциите изминатава ноќ во Лисабон, откако португалскиот капитен зголеми на 2:0 против Хрватска пред крајот на првото полувреме.

За Роналдо ова беше јубилеен 900-ти гол во неверојатната играчка кариера и го прослави истиот со солзи радосници, а нестварниот учинок само покажува колку Португалецот е долговечен и квалитетен во елитниот фудбал.

Кристијано почна да добива честитки од сите страни во светот за своето несекојдневно достигнување, па за издвојување е и пораката од Реал Мадрид, клуб во кој успеа да ги урне сите голгетерски рекорди.

– Уште една историска пресвртница: 900 голови во професионалната кариера за една од најголемите легенди на Реал Мадрид и на светскиот фудбал.

– Честитки, сакан и почитуван Кристијано! Реал Мадрид и мадридистите секогаш ќе бидат горди на тебе, – гласи пораката.

Otro hito histórico: 900 goles en la carrera profesional de una de las más grandes leyendas del Real Madrid y del fútbol mundial. ¡Felicidades, querido y admirado @Cristiano! El Real Madrid y el madridismo siempre orgullosos de ti.

— Real Madrid C.F. (@realmadrid) September 5, 2024