Реал Мадрид потврди две „засилувања“ за дербито со Аталанта

Победата над Џирона го намали притисокот врз Карло Анчелоти и неговите фудбалери во важен момент, односно пред гостувањето кај Аталанта во Лигата на шампионите.

Шпанскиот клуб мора да брка победа доколку сака да ги оствари своите амбиции во главната фаза на европското натпреварување, а Анчелоти веќе најави дека на оваа средба нема да смета на Ферлан Менди, кој е последниот повреден играч во таборот на Реал.

Сепак, денеска стигнаа и добри вести од Мадрид, а клубот ги потврди со објавување на списокот со фудбалери, кои ќе патуваат во Бергамо.

На истиот се најдоа Родриго и Винисиус, што значи дека Бразилците ќе бидат подготвени за тешкиот предизвик против екипата која игра во одлична форма и е на врвот во Серија А.

Списокот е потврда дека и Џуд Белингам нема посериозен проблем, а посебно важно е враќањето на Винисиус, кој ги пропушти последните неколку натпревари.

📋✅ ¡Nuestros convocados!
🆚 @Atalanta_BC#UCL pic.twitter.com/KShyrkhW1B

— Real Madrid C.F. (@realmadrid) December 8, 2024