Реал Мадрид најави посебен чин пред дербито со Атлетико: Цел стадион ќе ја поздрави легендата (Фото)

Реал Мадрид ги прави завршните подготовки за големото дерби против Атлетико кое се играа оваа вечер, а во увертирата за пресметката во шпанската престолнина, клубот најави и еден специјален чин.

Марсело пред два дена објави дека става крај на богатата играчка кариера и дека заминува во пензија, па со оглед на тоа што во прошталното видео посебен акцент стави на етапата која ја мина во Реал, „кралскиот клуб“ сега ќе му оддаде признание на својата легенда.

Бразилскиот лев бек реши да се пензионира на 36-годишна возраст, а еден од најуспешните играчи во историјата на Реал вечерва ќе добие посебна почест од сите на „Сантијаго Бернабеу“.

– Марсело ќе добие почест на дербито кое се играа оваа сабота на „Сантијаго Бернабеу“. Нашиот стадион ќе има можност да се прости и да го препознае значењето на Бразилецот, играч кој во четвртокот најави повлекување од професионалниот фудбал.

– Марсело е една од најголемите легенди на нашиот клуб, но и воопшто на светскиот фудбал. За време на своите 16 сезони во Реал Мадрид, тој освои 25 титули на 546 одиграни натпревари. Пет титули во Лигата на шампиони, 4 Светски клупски титули, 3 Европски Суперкупа, 6 титули во Ла Лига, 2 титули во Копа дел Реј и 5 шпански Суперкупа, – гласи објавата на „кралевите“.

Homenaje a @MarceloM12 antes del derbi en el Santiago Bernabéu.

— Real Madrid C.F. (@realmadrid) February 8, 2025