Реал Мадрид ќе претстави план за реформи на шпанската судиска сцена

Раководството на Реал Мадрид подготвува план за реформи, односно менување на системот за судење на шпанската фудбалска сцена.

„Кралскиот клуб“ реагираше жестоко по поразот од Еспањол и испрати писмо до Шпанската фудбалска федерација, обвинувајќи дека судиите во Ла Лига се корумпирани и намерно го оштетуваат Реал Мадрид и поради нивните одлуки му се украдени и трофеи.

„Кадена СЕР“ објави дека претставници на Реал правеле анализа на системот на судење и делегирање на судиите од другите европски шампионати, по што ќе предложат реформи и за шпанската фудбалска сцена.

Главната идеја на планот ќе биде зголемување на транспарентноста на судиите, односно достапност на аудио разговорите во ВАР собата.

Истовремено, Ла Лига преку претседателот Хавиер Тебас и другите шпански клубови не го криеја незадоволството од реакцијата на Реал Мадрид, па лигата бара и санкција за Реал Мадрид поради жестоката реакција до федерацијата.