Реал Мадрид иницирал почетни преговори со Винисиус

Раководството на Реал Мадрид ги контактирало агентите на Винисиус Жуниор и побарало отворање преговори за продолжување на неговиот договор.

Соработката меѓу Реал и Бразилецот е договорена до 2027 година, но Реал очигледно сака порано да добие гаранција за плановите на Винисиус и неговите соработници.

Како што пренесуваат медиумите, Реал најчесто ги почнува преговорите со своите фудбалери откако ќе почнат да истекуваат последните две години, но за Винисиус ќе биде направен исклучок и акцијата е започната порано.

Винисиус сигурно ќе добие поголема плата од Реал, но и тоа не е гаранција дека Бразилецот дефинитивно ќе ја прифати понудата, посебно што одамна се шпекулира за негов трансфер во Саудиска Арабија и највносен договор во историјата на фудбалот.

Шпанските медиуми сметаат дека Вини е среќен во Мадрид и засега не донел некаква конкретна одлука, па веројатно нема да брза и со потпишување нов договор, иако досега навестуваше дека сака да остане уште долго во Реал.

– Се работи за индивидуална одлука. Сепак, според мене, Винисиус изгледа среќно и возбудено од идејата да остане тука и да освојува трофеи со Реал Мадрид. Мислам дека ќе ја избере славата пред парите, – изјави тренерот Карло Анчелоти на оваа тема.