Реал Мадрид го исфрлува делот Сантијаго од името на својот стадион

Реал Мадрид важи за еден од спортските клубови со најголем комерцијален профит на глобално ниво, реновираниот стадион ќе има дополнителен позитивен ефект, но еден потег може да донесе и негативни реакции кај фановите и во јавноста.

„Марка“ тврди дека Реал го исфрлил делот Сантијаго од досегашното име Сантијаго Бернабеу на стадионот, иако засега тој потег не е објавен и потврден официјално.

Новите маркетинг активности го промовираат стадионот „Бернабеу“, тоа име се појавува на интернет страницат и на социјалните мрежи, па и божиќните подароци со макета од стадионот биле со скратеното име. Официјалната тура за посета на стадионот сега се вика „Тур Бернабеу“, што е уште еден знак за промената, – велат новинарите на „Марка“.

Засега промената е поврзана со комерцијални причини, официјална промена мора да биде потврдена од одговорните тела во клубот, но шпанскиот медиум потенцира дека скратувањето на името може да биде најава и за додавање на спонзор, нешто што во моментов е тешко да се претпостави дали е реално сценарио.

Стадионот е изграден во 1947 година под водство на тогашниот претседател Сантијаго Бернабеу, а истиот го добива неговото име во 1955 година.