Реал Мадрид донел конечна одлука околу можноста за ангажман на Пол Погба

„Кралскиот клуб“ долго време се поврзува со ангажман на францускиот фудбалер од редовите на Манчестер Јунајтед, Пол Погба.

„Ѓаволите“ одолеаа на трансфер нападите минатото лето и успеаја да го задржат Погба во своите редови, а неодамна повторно се појавија шпекулации дека Реал Мадрид ќе се обиде да го донесе играчот и ова лето.

Сепак, како што сега пишува шпанскиот медиум „Марка“, Реал Мадрид се откажал од намерата да го ангажира Погба затоа што не биле подготвени да ги исполнат неговите барања во врска соплатата.

Јасно е дека доколку Погба се реши да си замине од Манчестер Јунајтед ќе мора да се согласи на многу помала плата од таа што ја зема на „Олд Трафорд“, па токму затоа негов трансфер ова лето е се помалку извесен.

Засега единствен заинтересиран клуб за Погба останува Јувентус кој е подготвен да  му понуди пари плус некои играчи на Манчестер Јунајтед со цел да го добие играчот во своите редови.