Реал излезе со соопштение за фудбалерите кои биле уапсени од полицијата

Реал Мадрид очекувано реагираше со соопштение за секс скандалот кој го објавија медиумите, а во кој се инволвирани неколку млади фудбалери на шпанскиот великан.

Медиумите објавија дека неколку млади играчи на Реал снимиле и дистрибуирале видео со сексуална содржина, во кое било вклучена малолетна девојка, а полицијата реагирала на пријава на мајката на оштетената.

– Реал потврдува дека е информиран дека еден фудбалер на Реал Мадрид Кастилја и тројца играчи на Ц тимот дале изјава за шпанската полиција, поради обвинение за споделување приватно видео преку социјалните мрежи.

– Кога клубот ќе има доволно информации, ќе поведе и соодветни постапки, – стои во соопштението на Реал.

Она што е најважно за клубот, а го потрдува и „АС“, е дека полицијата не истражува ниту еден член на првиот тим, кој евентуално бил дел од оние кои го распространиле видеото на интернет.