Реал и неговите навивачи со специјална поддршка за Винисиус (Видео)

Винисиус Жуниор денеска го следи натпреварот на својот Реал Мадрид од трибините, но неговите соиграчи решија да направат специјален гест како еден вид поддршка откако беше жртва на уште еден расистички напад, овојпат во Валенсија.

Бразилецот беше исклучен, па помилуван од дисциплинците откако заработи црвен картон на „Месталја“, а целата мешаница настана откако тој бурно реагираше бидејќи доби расистички навреди од дел од домашните фанови.

Вечерва, фудбалерите на Реал се појавија на теренот облечени во дресови со број 20, односно со дресот на Винисиус, испраќајќи јасна порака за поддршка за соиграчот, кој го следи дуелот со Рајо во друштво на Флорентино Перез.

На една од трибините, домашните фанови поставија и голем транспарент, со порака „Сите сме Винисиус. Доста е веќе“, а испратија поддршка за фудбалерот со овации во 20. минута од средбата.

Jogadores do #RealMadrid entraram em campo vestindo a camisa de Vinícius Jr, à frente da partida vs Rayo Vallecano. 🤍

🎥 @MovistarFutbol pic.twitter.com/16Fu6mPTgB

— Portal Blanco (@PortaIBlanco) May 24, 2023

⏱️ Minute 20 👏
2️⃣ 0️⃣ @ViniJr#Madridistas pic.twitter.com/wyLjLbXPH2

— Real Madrid C.F. 🇬🇧🇺🇸 (@realmadriden) May 24, 2023