Реал и Барса се избегнаа во осминафиналето на Копа дел Реј, поволна ждрепка за Димитриевски и Валенсија (Фото)

Шпанската Федерација денеска одржа ждрепка по повод осминафиналната фаза во Копа дел Реј, а бидејќи во оваа фаза нема никаква протекција за фаворитите, медиумите посакуваа „бомба“ уште во раната фаза од нокаут рундата.

Потенцијална пресметка меѓу Реал Мадрид и Барселона беше она што го посакуваа голем број од медиумите на Пиринеите, но ждрепката посака полесен пат за двата фаворити до четвртфиналето.

Реал Мадрид во осминафиналната фаза ќе игра на домашен терен против екипата на Селта Виго, додека Барселона на хартија ќе има потежок испит против Бетис, исто така на домашен терен.

Атлетико како трет фаворит за титулата ќе игра на гостински терен против Елче, а мора да се напомене дека Столе Димитриевски и неговите соиграчи од Валенсија добија поволна ждрепка.

„Лилјаците“ ќе играат против третолигашот Оуренсе на гостински терен во обидот да стигнат до четвртфинале, фаза за која патниците ќе ги знаеме веќе следната седмица.

Осминафиналните натпревари се закажани за 14-ти, 15-ти и 16-ти јануари, а во оваа фаза се игра само по еден натпревар.

🚨 𝗢𝗙𝗜𝗖𝗜𝗔𝗟 | ¡¡ESTOS SON LOS 𝗘𝗠𝗣𝗔𝗥𝗘𝗝𝗔𝗠𝗜𝗘𝗡𝗧𝗢𝗦 𝗗𝗘 𝗢𝗖𝗧𝗔𝗩𝗢𝗦!!

🗓️ Los duelos, a partido único, se disputarán los días 14, 15 y 16 de enero.

ℹ️ Tienes toda la información ampliada en https://t.co/tP49bAAmLX#LaCopaMola🏆 | #CopaDelReyMAPFRE pic.twitter.com/B61xG1Vwra

— RFEF (@rfef) January 8, 2025