Реал го комплетираше најскапиот кошаркарски трансфер

Шпанскиот прволигаш Реал Мадрид и официјално го комплетираше трансферот на 24-годишниот Алберто Абалде.

Тој во Реал пристигна од Валенсија и тоа откако си ја плати откупната клаузула од 1,5 милиони евра. „Кралевите“ не сакаа да велгуваат во конфликт со нивниот конкурент од АЦБ лигата и официјално да платат ваква голема сума, меѓутоа повеќе од јасно е од кого Абалде ги има добиено парите за овој трансфер за кој ќе треба да се издвојат уште 700.000 евра данок што значи целата операција изнесува 2,2 милиони евра.

Со ова споменатиот трансфер стана еден од најскапите во историјата на европската кошарка, па сега на Абалде кој потпиша петгодишен договор му останува да ја оправда довербата и го потврди својот квалитет и под водство на Пабло Ласо.

😃⛹️‍♂️💬 @albertoabalde6: “El @RMBaloncesto es el mejor club del mundo.”#HalaMadrid | #WelcomeAbalde pic.twitter.com/zEF3Pyh90k

— Real Madrid Basket (@RMBaloncesto) July 21, 2020

Инаку за Абалде кој завршниот турнир во АЦБ лигата го заврши со просек од 14,8 поени, 3,8 асистенции и 3 скокови заинтересирани беа Армани Милано и Барселона.