Реал дојде до првиот билет за завршниот турнир во Белград, ново водство за европскиот шампион (ВИДЕО)

Реал Мадрид е првата екипа која избори место на завршниот турнир во Евролигата кој годинава ќе се одржи во Белград.

„Кралевите“ дојдоа до билетот откако по третпат го суредија Макаби Тел Авив (87-67), односно едноставно го „изметија“ израелскиот претставник со 3-0 во серијата и сега мирно ќе можат да го дочекаат полуфиналниот ривал кој ќе дојде од битката меѓу Баерн Минхен и Барселона каде во моментов резултатот е 1-1.

Љуљ со 18 поени беше стрелец број еден, додека француската комбинација Поарие-Јабусел даде 30 кошеви. Кај поразените залудни беа 22 поени на плејмејкерот Вилбекин.

Анадолу Ефес пак води во серијата против Милано (2-1) и тоа откако пред своите гледачи го доби италијанскиот тим со 77-65. Мициќ со 20 и Плајс со 17 поени беше прв стрелци, а на спротивната страна најсветла точка беше Хол со 16 поени.