Поврзете се со нас

Светски првенства

Реакција на РФМ по случувањата во Вараждин: Дојдовме во мир, а дочекавме грубо да претресуваат жени и деца!

Објавено

на

Специјален известувач за „Дерби“ од Вараждин, Ристе Влахов

Македонската ракометна репрезентација повторно имаше поддршка од трибините во Вараждин на денешниот натпревар против селекцијата на Гвинеја, па носени од „Фалангата“, избраниците на Кирил Лазаров остварија рутинска победа во меч во кој успеаја да ги заштеда и силите.

Епилогот од натпреварот беше очекуван и првата фаза на Светското првенство ја заокруживме на најдобар можен начин, но она што ги загрижува присутните во Вараждин е начинот на кој беше третирана македонската публика од организаторот на мундијалот.

По сериозната закана која ја испрати ИХФ до РФМ и Хрватска како домаќин, еден од коорганизаторите на мундијалот реши да употреби навистина жесток третман со македонските фанови, па строгост била тренирана и на жени и деца во арената во Вараждин.

Сведоштво за целата оваа ситуација даде генералниот секретар на РФМ, Филип Милошевски, кој преку својот официјален Фејсбук профил се пожали за се она што се случувало денеска.

– Честитки до нашите момци за победата, одиме во следна фаза,напред Македонија! А во врска со организацијата на вечерашниот натпревар:

– Само еден влез во арена активен; Жени и деца најгрубо претресувани од нервозни редари;  Во опасни предмети вклучени се и кармин, лабело, сјај за уста, полнач за телефон и сл.; Простор за пушење нема, а ако решите да излезете, треба пак назад кај редарот на главен влез; АМАН дојдовме во мир, најпријателски и најспортски!, – порача Милошевски.

 

Advertisement
Advertisement

Италија

Advertisement

Популарни