РБ Лајпциг му додели отказ на тренерот кој не му даде вистинска шанса на Елмас

Раководството на РБ Лајпциг сепак го загуби трпението со Марко Розе и му додели отказ во завршниот дел од сезоната во Бундеслигата.

Стручњакот кој не му даде вистинска шанса на нашиот репрезентативец Елиф Елмас, ќе мора да си бара нова работа, бидејќи неговиот тим не ги исполни очекувањата на менаџментот и фановите актуелнава сезона.

„Биковите“ имаат само една победа на последните шест натпревари и паднаа на шестата позиција на бундеслигашката табела, па вчерашниот пораз од Борусија Менхенгладбах испровоцирал експресна реакција на одговорните луѓе.

Засега не е познато кој ќе го наследи Розе, а очигледно е дека Лајпциг ќе мора да најде привремена солуција за куп пресметката со Штутгарт, која е закажана за во среда и има посебно значење за клубот.

Marco Rose has been relieved of his duties as RB Leipzig head coach with immediate effect. His coaching team of Alexander Zickler, Marco Kurth and Frank Geideck have also left the club, along with Frank Aehlig (head of first team football).

Full statement ⤵️

— RB Leipzig English (@RBLeipzig_EN) March 30, 2025