РБ Лајпциг експресно доведе замена за Олмо

Бундеслигашот РБ Лајпциг не губеше многу време по продажбата на Дани Олмо во Барселона и денеска веќе го претстави фудбалерот кој е доведен како негова замена во составот.

Скаутите на германскиот клуб вообичаено добро си ја вршат работата во следењето на големите фудбалски таленти, а во Лајпциг се убедени дека тоа ќе биде потврдено и во случајот со Антонио Нуса.

Се работи за норвешки крилен фудбалер кој досега го носел дресот на белгиски Бриж и има само 19 години.

Нуса е норвешки репрезентативец кој кариерата ја започнал во Стабек, а во 2021 година се преселил во белгискиот клуб.

Германскиот клуб не ја соопштил инвестираната сума во трансферот на Нуса, но медиумите шпекулираат со сума од 20 милиони евра.