Разочараниот Кеан се врати во Италија по шокантниот епилог на неговото патување во Мадрид

Моисе Кеан беше многу блиску повторно да му стане соиграч на Алваро Мората, но неговиот заем од Јувентус во Атлетико Мадрид пропадна во последен момент.

Во последен момент Атлетико се откажа од Италијанецот кој веќе беше во Мадрид за да го потпише договорот, по што Кеан доцна синоќа се врати во Торино.

Проблемот настанал поради проценката на лекарскиот тим на Атлетико, кој по вообичаените прегледи излегол со прогноза дека напаѓачот ќе може да се врати на терените во март.

Шпанскиот клуб планирал да го вметне Кеан во составот на Диего Симеоне веќе во февруари, како што биле прогнозите не лекарскиот тим на Јувентус, па во Атлетико решиле дека не им е потребен фудбалер кој ќе биде надвор од терените уште еден месец.

Јувентус требаше да добие половина милион евра за заемот на Кеан, но сега тој ќе ја продолжи рехабилитацијата во Торино и ќе се надева на минутажа од Макс Алегри.

#Juventus: #Kean è rientrato a Torino dopo il passaggio sfumato all’#Atleti // Kean is back in Turin after his move to Atleti collapsed 🛬🇮🇹 @Goalitalia @Goal pic.twitter.com/h0NeeTECAD

— Romeo Agresti (@romeoagresti) January 30, 2024