Разиграниот Жезус го одведе Арсенал во полуфиналето на Лига Купот, билети обезбедија Ливерпул и Њукасл

Екипата на Арсенал обезбеди билет за полуфиналето на англискиот лига Куп или популарниот Карабао Куп и тоа откако славеше над градскиот ривал Кристал Палас со 3-2.

„Топчиите“ се мачеа со избраниците на Гласнер и мораа да прават пресврт во вториот дел за да дојдат до посакуваниот резултат. Во фокусот беше Габриел Жезус кој испорача хет-трик со погодоците во 54, 73 и 81 минута од соочувањето на „Емирејтс“.

За гостите реализираа Матета и Нкетија.

Њукасл беше сигурен во својот дом и го реши Брентфорд со 3-1 благодарение на Тонали (2) и Шер, а пак Ливерпул ја оправда улогата на фаворит против Саутемптон.

Лидерот во Премиер лигата славеше со 2-1 со головите на Нуњез и Елиот во првиот дел. Домаќините во второто полувреме реализираа преку Арчер.