Разиграниот Шортс го одведе Бон на завршниот турнир во Лигата на шампионите

Екипата на Талеком Бон предводен од македонскиот репрезентативец, Ти Џеј Шортс обезбеди место на завршниот турнир во Лигата на шампионите.

Бундеслигашот ја доби „мајсторската“ со Стразбур со 83-77 и ќе има можност да се бори за титулата во ова натпреварување. Францускиот тим пружи силен отпор на овој меч, но домаќините со одлична игра во последниот период и со помош на поддршката од публиката успеа да ја преземе контролата, дојде до триумф, односно ја затвори оваа серија со 2-1.

Шортс беше играч број еден со 24 поени, 1 скок, 6 асистенции и 2 украдени топки, најголема поддршка му беше Хокинс со 15 кошеви.

Противник на Бон во полуфиналето ќе биде подобриот од пресметката меѓу Хапоел Ерусалим и АЕК.

Досега место на Ф4 има обезбедно и шпанска Уникаха.