Разиграниот Ѓорѓев со свој печат во импресивната победа на Арау

Никола Ѓорѓев не застанува и одигра уште еден импресивен меч за Арау кој пак продолжи да победува во втората швајцарска лига и со тоа да најавува атак на најсилната фудбалска конкуренција во оваа сезона.

Арау како гостин славеше над Лозана Уши со 4-2 во дуел во кој по првиот дел имаше негатива од 2-0. Меѓу оние кои донесоа пресврт беше токму македонскиот интернационалец кој даде гол и забележа асистенција при погодокот на Туре во 67 минута.

Со ова блескано издание Ѓорѓев дојде до учинок од 6 гола и 6 асистенции во шампионатот со тоа што мора да се потенцира дека 3 погодоци и 2 асистенции беа реализирани во овој втор дел од првенството, поточно во претходните три рунди.

Со вкупно 38 бода Арау е на второто место на табелата со еден поен минус во однос на лидерот Тун со кого ќе се соочи веќе во наредната рунда на 14 февруари,