Разиграниот Батлер го реши Далас, нови победи за Бостон и Кливленд (ВИДЕО)

Разиграниот Џими Батлер беше клучен играч во драматичната победа на Мајами Хит над Далас Маверикс во најинтересниот меч во НБА лигата.

Средбата во Флорида мораше да се решава во дополнителни минути, продолжение кое го изнуди Батлер (114:114). Во екстра периодот резултатот беше 9:4 за конечно славје на „жешките“ од 123:118 за 7 славје во 14 сезонски меч.

Џими реализираше 33 поени со 9 скока, 6 асистенции, 1 украдена топка и 2 блокада, најголема поддршка му беа Хиро и Адебајо со дабл-дабл учиноци. Кај гостите кои играа без првата ѕвезда Дончиќ најдобар стрелец беше Ирвинг со 27 поени.

Кливленд Кавалирс и Бостон Селтикс пак забележаа триумфи над Торонто Репторс, односно Минесота Тимбервулвс. Кавси ги добија рептилите со 122:108 и сега имаат учинок 17:1, а пак актуелниот првак се мачеше со „волците“ кои промашија шут за славје преку Рид (107:105).

РЕЗУЛТАТИ:

Бостон-Минесота 107:105

Индијана – Вашингтон 115:103
Мајами – Далас 123:118 п
Филаделфија – ЛА Клиперс 99:125
Кливленд – Торонто 122:108
Сакраменто – Бруклин 103:108