Разиграната Барселона лесно се справи со Џирона за „пет од пет“ во Примера (ВИДЕО)

Барселона лесно се справи со Џирона во каталонското дерби кое попладнево се одигра на „Монтоливи“ во рамките на петтото коло во Примера.

Избраниците на Флик славеа со 4-1, а можеа да дадат уште неколку погодоци ако беа подобри, пофокусирани во завршницата на дел од акциите.

Во прв план во првиот дел беше талентираниот Ламин Јамал кој постигна два гола, првиот во 30 минута откако му ја украде топката на дефанзивецот Лопез, а вториот во 37 на асистенција на Левандовски. Веќе на стартот на вториот дел Олмо со атрактивен погодок зголеми на 3-0, додека во 64 Педри стрелаше за 4-0 по одличната асистенција на Касадо.

Домаќините преку ветеранот Стуани постигнаа почесен гол во завршницата во која непотребна глупост, старт направи нововлезениот Торес кој заработи директен црвен картон.

Сега Барса има пет од пет и 15 бода, во следното коло има тешко гостување кај Вилјареал, претходно и соочување со Монакоо во Лигата на шампионите.

Инаку нашиот Бојан Миовски остана на клупата на денешниот меч.