Раул Гонзалес избран за тренер на сезоната во Франција

Поранешниот македонски селектор и тренер кој му ја донесе првата европска титула на Вардар, Раул Гонзалес, денеска доби ново вредно признание.

Шпанскиот стручњак кој ја освои втората шампионската титула по ред со ПСЖ, од своите колеги е прогласен за тренер на годината во француската прва лига.

Добитниците на наградите за најдобрите во француското првенство се објавени вечерва, а покрај Раул како тренер, од таборот на ПСЖ се наградени и Сагосен (среден бек), Коралес (голман), Ремили (десен бек) и Морос (дефанзивец).

Пранди и Санад од Ним, Деска од Монпелје и Турна од Нант се преостанатите ракометари кои добија место во идеалниот тим, а главното МВП признание му припадна на Сандер Сагосен.

Норвежанецот ја освои наградата поради игрите во дресот на ПСЖ, клубот со кој се разделува по три сезони и по кој се сели во редовите на Кил.