Раул Гонзалес: Испишуваме убава историја

За „Дерби“ од Келн,
Александар Табаковски

Раул Гонзалес му го донесе историското финале на Вардар во Лигата на шампионите. Во Келн, неговиот тим славеше над Барселона, а веќе утре го очекува пресметка со ПСЖ. Како шпанскиот стручњак го виде овој исцрпувачки дуел кој заврши во корист на македонскиот шампион.

– Ова е убава историја, голем успех. За нас беше голем успех и да се пласираме на оваа завршница, одигравме добар натпревар, иако во првите петнаесет минути направивме непотребни грешки. Во вториот дел се подобривме во одбрана, подобра беше соработката со Штербик, а сега не очекува финалето и треба да се фокусираме на овој натпревар.

– Знам дека имаме малку време за одмор, го знаеме противникот и тоа со кои ракометари располагаат, во нивниот тим е и најдобриот светски ракометар. Ќе гледаме видео и ќе се обидеме што подобро да се подготвиме, – потенцираше тренерот на Вардар по триумфот над Барселона.