Рашфорд: Многу лаги се кажаа во изминативе недели…

Маркус Рашфорд сигурно е еден од играчите за кого ќе се зборува во овој зимски преоден рок, играч за кој и доста се говореше во изминатиов период откако посочи дека ако е потребно и ќе си замине од Манчестер Јунајтед.

Тој пропушти четири средби за „црвените ѓаволи“ или поточно воопшто не се најде на списокот на менаџерот Рубен Аморим иако е фит и подготвен за да на последниот лигашки меч против Њукасл биде дел од тимот, ама остана на клупата за резерви.

Има многу информации, шпекулации за неговата иднина, па на Маркус му „пукна филмот“ и се реши да се огласи со кратка, ама директна порака.

-Многу лажни приказни се напишани во претходните недели, а оваа последна е многу смешна: не сум се сретнал со ниту еден агент, ниту планирам да го сторам тоа, -истакна напаѓачот.