Расел со „бело знаме“ уште по првата трка: Не гледам кој би го победил Ред Бул

Макс Ферстапен ја оправда фаворитската улога на Формула 1 трката во Бахреин, а премиерата на новата сезона ги потврди најавите дека Ред Бул повторно ќе има предност во однос на ривалите.

Тоа го потенцира и Џорџ Расел кој со болидот на Мерцедес го освои седмото место.

– Тие веќе го имаат обезбедено овој шампионат, не верувам дека некој ќе може да им парира сезонава.

– Би се обложил дека со вакви перформанси ќе победуваат на секоја трка.

– Можеби нема да имаат пол-позиција на секоја трка, бидејќи знаеме дека Ферари е добар во квалификациите, но никој ја нема таа брзина на трките. Ако сакаме да им се доближиме барем во вториот дел на сезоната, треба да направиме радикални промени, – смета Британецот.