Расел му одговори на Хамилтон: Среќата нема никаков ефект на резултатите

Луис Хамилтон ја спомена среќата во контекст на подобриот резултат на неговиот клупски колега, Џорџ Расел, на трката во Саудиска Арабија, но тоа очигледно не му се допадна на помладиот колега од тимот на Мерцедес.

Расел смета дека резултатите кои ги постигнува се плод на различниот сетинг и напорната работа со неговите инженери.

– Не сметам дека среќата има некаква поврзаност со резултатите.

– Мислам дека одлучуваат подготовките, знаев дека ќе одиме во позитивна насока со промените кои ги направивме во пресрет на трката.

– Знаев дека нашиот сетап ќе биде подобар од тој на Хамилтон, секој има различни приоритети, а јас сум задоволен од правецот по кој се движиме со инженерите, – изјавил Расел.