Раниери за идниот тренер на Рома: Уживам што медиумите шпекулираат со погрешни имиња

Клаудио Раниери ја врати Рома во битката за место во европските купови, но тоа не значи дека планира да се премисли и да остане на функцијата по крајот на сезоната.

Искусниот стручњак планира да преземе директорска функција во редовите на „волчицата“, додека периодов активно преговара со евентуалниот наследник.

Последниве денови медиумите шпекулираа дека најблиску до функцијата е Џан Пјеро Гасперини, кој веќе најави дека ќе замине од Аталанта, но Раниери демантирал таква можност.

– Оваа недела пишувате за Гасперини, следнта ќе биде за некој друг.

– Она што ме прави среќен е што досега споменавте многу имиња, но не и тие со кои навистина преговарам.

– Гасперини нема да биде следен тренер на Рома, а кој ќе биде ќе одлучи претседателот откако јас и спортскиот директор Флорент Гисолфи ќе му понудиме неколку опции, – рекол Раниери.