Раниери за иднината на Дибала во Рома: Ако има други приоритети…

Клаудио Раниери ја подготвува Рома за Куп пресметката со Сампдорија, а се надева дека неговите фудбалери ќе извлечат поука од незгодниот пораз од Комо и ќе го поправат впечатокот против ривалот од Џенова.

Искусниот стручњак бил прашан и за статусот на Пауло Дибала, кој често има проблеми со повреди, а засега е нејасно дали ќе остане во редовите на „волчицата“ до крајот на сезоната.

– Секој има своја задача и си ја врши својата работа во овој клуб.

– Среќен сум што го имам во тимот и што можам да располагам со него кога е фит.

– Ако тој има поинакви приоритети, тогаш двете страни мора да постигнат договор. Ако не сака да остане, може да замине, јас имам потреба само од фудбалери кои се среќни овде, – изјавил Раниери.