Раниери за ефектот на Дибала во Рома: Мурињо беше во право

Убедливата победа на Рома и ефективниот настап на Пауло Дибала ги израдуваа фановите на „волчицата“, а тренерот Клаудио Раниери истакнал дека неговите фудбалери брзо го заборавиле гостувањето кај Комо и одиграле ангажирано пред домашните фанови.

Искусниот стручњак очекувано добил прашање и за дозирањето минутажа за Дибала, кој често има проблеми со повреди.

– Секогаш кога се чувствува добро, тој ќе игра. Ако е заморен ќе биде повлечен од теренот исто како што правам и со другите фудбалери.

– Можам само да кажам дека се согласувам со Мурињо по прашањето за Дибала. Постои голема разлика меѓу Рома со и Рома без Дибала во тимот.

– Она што треба да се потенцира е дека момците ни овозможија мирен Божиќ со одличен настап, но долго немаме победа на гостински терен и мора да го неутрализираме тоа второ лице кое ни се случува на гостувањата, – потенцирал Раниери.