Раниери со прва победа на кормилото на Рома (ВИДЕО)

Тимот на Рома по подолго време конечно дојде до победа во италијанската Серија А, прва под водство на новиот тренер Клаудио Раниери.

Клубот од Рим славеше над Лече со 4-1 и со тоа ја прекина серијата од четири порази во Калчото. Салемакерс го отвори резултатот во 13 минута, но гостите не се откажаа и возвратија во 40 преку успешно реализираниот пенал на Крстовиќ.

Сепак во вториот дел фаворитот додаде гас и не дозволи ниту едно друго сценариот освен победа, славје кое беше обезбедено со головите на Манчини, Писили и Коне.

„Волчицата“ во следното коло гостува кај Комо што секако е добра можност да се фати ритам и да се освојат нови бодови со кои ќе се искачи повисоко на табелата.