Раниери потврди дека дефанзивец на Рома ќе заврши во германскиот шампион

Клаудио Раниери го подигна нивото во Рома и успеа да ја врати „волчицата“ на прав пат откако го презема првиот тим, но по воведните натпревари во кои ги испитуваше силите, искусниот стручњак веќе има замислено своја стартна постава во која нема место за Марио Ермосо.

Засилувањето од завршницата на летниот преоден рок не се изнаигра во Рома иако дојде како докажен стопер од Атлетико Мадрид, па сега по инсистирање на самиот фудбалер, италијанскиот клуб ќе дозволи негов трансфер уште во јануари.

Како што стојат работите, поранешниот дефанзивец на Атлетико во иднина ќе ги брани боите на актуелниот германски шампион, кој успеал да договори негов ангажман на перманентна база.

Раниери на денешниот прес потврдил дека Ермосо е пред трансфер во Баер Леверкузен, што значи дека Чаби Алонсо ќе добие нов избор во одбраната.

– Денеска ќе одговорам на трансфер прашања само поврзани за Ермосо. Навистина многу ми се допаѓа како играч, но јас го почнав мојот пат во Рома со други специфични фудбалери. Тој е во добра форма, но има потреба цело време да игра. Сака да игра почесто и ја сфаќам неговата одлука да си замине. Заслужува да игра и ќе го добие тоа на друго место, – потврди Раниери.