Раниери: Им испративме важна порака на фановите на Рома

Рома успеа да извлече бод и да излезе како непоразена на гостувањето во Северен Лондон, а резултатот 2:2 е доста поприфатлив за Клаудио Раниери после бледото издание кое го имаше тимот против Наполи.

Искусниот стручњак не ги криеше фрустрациите по разочарувачкото дерби во Серија А, па иако гостувањето кај Тотенхем беше навистина тешко, играчите на Рома со голем труд и залагање успеаја да извлечат реми (2:2).

– Момците се прикажаа во одлично светло и тоа беше она што го барав од нив. Не бев среќен по мечот со Наполи, не сакам да гледам тим кој се брани во текот на целиот меч. Овојпат пораката до играчите беше јасна, побарав да не видам тим кој се брани цело време.

– Барав реакција од наша страна после секој нивни напад, барав да возвратиме со иста мера и да го напаѓаме нивниот гол. Фановите го сакаат својот тим кога гледаат како се обидува да победи, а ние го направивме токму тоа.

– Игравме со отворен гард, не чекавме само да видиме што ќе се случи. Може да не добиете ништо, но важно е да се обидете. Бев многу јасен со моите фудбалери пред натпреварот и тие одговорија позитивно. Ми дадоа силен одговор и не се откажаа во тешки околности. Им порачав дека резултатот е важен, но перформансите кои ги прикажаа се уште поважни. Им докажаа на фановите дека се тука, им докажаа дека не заборавиле да играат фудбал, – изјави Раниери.