Раниери: Голот му е во крвта, знаев дека Пелегрини ќе има добар натпревар

Рома излезе како победник од градското дерби со Лацио и тоа во меч во кој домаќините двата гола ги постигнаа во период од осум минути од 10 до 18 кога во листата на стрелци се запишаа Лоренцо Пелегрини и Алексис Салемакерс.

Посебно важен беше погодокот на Пелегрини кој мина/минува низ еден тежок период поради притисокот од дел од фановите на „волчицата“, но тој покажа карактер и како вистински лидер, капитен реализираше кога беше потребно и го отвори патот до славје на Рома.

-Пелегрини дојде да разговара со мене вчера и сфатив дека има луда желба да биде капитен на Рома во дербито, -истакна тренерот Клаудио Раниери за „ДАЗН“.

-Едвај чекав да го изрази тоа, бидејќи ние тренерите се обидуваме да ги мотивираме играчите и да бараме повеќе од нив. Му дадов шанса против Милан и му кажав дека не е добар настап, но денеска бев убеден дека ќе биде добар и му кажав дека ќе игра. Голот му е во крвта, тој е еден од најдобрите италијански играчи за врска кога е во прашање постигнувањето голови. Тој не ме замоли да играм, само имав чувство дека неговото расположение е онаму каде што ми требаше, -дополни Раниери кој има перфектен учинок во дерби соочувањата со Лацио.