Рангник: Хаверц е модерна верзија на Јохан Кројф, може да…

Несудениот тренер на Милан, Ралф Рангник испрати големи комплименти на адреса на неговиот сонародник Каи Хаверц кој ова лето направи голем трансфер и од Баер Леверкузен прекина во премиерлигашот Челси.

„Сините“ за него издвоија 62 милиони фунти и од него многу се очекува на „Стемфорд Бриџ“. Најдобриот меќ досега тој го одигра против Барнсли во Лига Купот каде реализираше хет-трик, а според Рангник тоа е само почеток за играчот кого го спореди со легендарниот ас на Ајакс и Барселона, Јохан Кројф.

-Не се сомневам во тоа дека ќе успее и дека во наредните две-три години ќе стане еден од најдобрите на светот. Можеби ќе му требаат неколку недели за да се прилагоди бидејќи има фантастично семејно потекло – го знам тоа затоа што се обидував да го убедам да ни се придружи во Лајпциг, но тој беше целосно посветен на Баер Леверкузен.

-Тој е еден од играчите во кој не гледам слабост во неговата игра. Тој е тип на модерен Јохан Кројф, може да постигнува голови и да дава асистенции. Може да игра како деветка или девет ипол. Не го гледам како крилен напаѓач, туку во централното подрачје на теренот, тој е исклучително вреден.

-Не се сомневам дека овој трансфер ќе се покаже како успешна приказна за Челси и за Каи, -порача Ралф за „Скај Спортс“.