Рангник го посочи најдобриот напаѓач на светот: Тој нема слабости…

Германскиот фудбалски стратег, Ралф Рангник го издвои напаѓачот кој според него е најдобар на светот.

Рангник кој долго време е во светот на фудбалот како играч и сега како тренер смета дека во моментов број еден е асот на Манчестер Сити и репрезентативец на Норвешка, Ерлинг Халанд.

-До пред неколку месеци, ќе кажев дека Халанд и Мбапе се најдобрите напаѓачи во светот. Во моментов мислам дека Халанд е најдобар, но тоа е и затоа што Килијан не е во врвна форма.

-Халанд скоро и да нема слабости. За неговата големина, тој е исклучително брз, агилен и има неверојатна моќ за скокање, -смета поранешниот предводник на Манчестер Јунајтед и сегашен селектор на австриската репрезентација.