Рамос проговори за иднината на Меси и порача: Не мислам дека се однесува на вистинскиот начин

Капитенот на Реал Мадрид и еден од најдобрите играчи во Ла Лига, Серхио Рамос проговори за целата ситуација поврзана со фудбалерот на најлутиот ривал на „кралевите“, Лео Меси.

Аргентинецот побара заминување од Барселона, па во моментов се водат преговори за тоа дали заминувањето ќе се случи или каталонскиот клуб ќе го блокира неговиот трансфер.

На ова прашање одговор даде и Рамос кој посочи дека за него и за целата Ла Лига најдобро е Меси да остане во Барселона.

– Мислам дека Меси заслужи сам да си ја одлучува индината. Но, не мислам дека тоа го прави на најдобар можен начин.

– Секако дека за шпанскиот фудбал, за Барселона, за нас, кои секогаш сакаме да победуваме против најдобрите, сакам да остане тука. Лео ја прави шпанската лига подобра, тој го прави неговиот тим подобар и го прави Ел Класико многу поатрактивно, -изјави Серхио Рамос.